Die tyd vir ons eie koshuis is NOU!

De Goede Hoop is ’n privaat Afrikaanse koshuis vir Tuks-studente waar mans en dames gesamentlik en ook afsonderlik aan die studentelewe kan deelneem.

Wat De Goede Hoop jou bied:

‘n Geprivatiseerde studentelewe sonder politieke inmenging

  • Ons blaas nuwe lewe in studentelewe
  • Ons doen werwing op meriete
  • Ons bied ’n tuiste vir trotse, Christelike Afrikaanse studente

In 1652 was daar ’n man soos Jan. In 2016 is daar ’n man/manin soos jy.

Ná ’n stormagtige reis sit ons voet aan wal en vestig ’n tuiste vir ’n mens soos jy, noordoos van Tafelberg onder die Jakarandabome van Pretoria. De Goede Hoop bied ’n tuiste vir dinamiese studente met Christen-waardes en ’n passievolle gees vir Afrikaans; ’n tuiste waar jy as dinamiese jongmens in gesonde studentetradisies kan deel en jou studentwees met selfvertroue in Afrikaans kan uitleef.