DGH_Gebou_2
DGH_Gebou_2
DGH_Gebou_3
DGH_Gebou_3

Die tyd vir ons eie koshuis is NOU!

Wie is De Goede Hoop?

IN 1652 WAS DAAR ’N MAN SOOS JAN. IN 2016 IS DAAR ’N MAN EN VROU SOOS JY.

Ná ’n stormagtige reis sit ons voet aan wal en vestig ’n tuiste vir ’n mens soos jy, noordoos van Tafelberg onder die Jakarandabome van Pretoria. De Goede Hoop bied ’n tuiste vir dinamiese studente met Christenwaardes en ’n passievolle gees vir Afrikaans; ’n tuiste waar jy as dinamiese jongmens in gesonde studentetradisies kan deel en jou studentwees met selfvertroue in Afrikaans kan uitleef.

Wat is De Goede Hoop?

De Goede Hoop is ’n moderne, privaat Afrikaanse studentekoshuis met hoë standaarde. Die koshuis is geleë in Walkerspruit, Pretoria, sowat een kilometer van Tuks se hoofkampus en sowat twee kilometer van die Groenkloof-kampus. Dit bestaan uit sowel ’n mans- as damesvleuel – mans en dames kan dus gesamentlik op een perseel maar afsonderlik in verskillende vleuels woon en só aan die studentelwee deelneem.

Waarom De Goede Hoop?

De Goede Hoop bied meer as net ’n tuiste. Dit is ’n lewende monument vir Afrikaans en studentwees. Hier bou ons voort op ’n kultuur en vooruitgang, prestasie en leierskap wat ons voorgeslagte al dekades invloedryk en suksesvol maak.

Universiteitskoshuise het reeds só ver getransformeer dat daar nie werklik meer ’n ruimte is vir studente wat na ’n Afrikaanse studentelewe op soek is nie. Hoe moet ons hierop reageer? Ons moet eerder nuwe dinge begin as moedeloos staan oor dit wat tot ’n einde kom; eerder skouer aan die wiel sit as om in die verlede vasgevang te bly. Hiér kry energies en impak ’n nuwe betekenis in jongmenslewens en word môre se leiers vandag gevorm.

De Goede Hoop skep ’n geleentheid vir saam leef en beleef; om jeugenergie saam te snoer tot ’n eenheid waar kameraadskap méér as net ’n droom is. Om in Afrikaans saam met ander gelowiges te eet, studeer, woon en kuier. Om deel te wees van iets meer as net jouself. Om elke dag deel te wees van ’n groep wat hoop skep – De Goede Hoop!

Visie

Om ’n Christelike, Afrikaanse koshuis ongeag ras of geslag uit te bou waar ons strewe na uitnemendheid, respek vir mekaar en ander en integriteit hand aan hand loop met ryke koshuistradisies en ’n prestasiekultuur. De Goede Hoop- (DGH-) koshuis wil ’n tuiste en atmosfeer vir studente skep waar vandag se studente tot môre se leiers geslyp word.

Gedragskode

GEDRAGSKODE-DE-GOEDE-HOOP-KOSHUIS.pdf

 

 

In 1652 was daar ’n man soos Jan. In 2016 is daar ’n man/manin soos jy.

Ná ’n stormagtige reis sit ons voet aan wal en vestig ’n tuiste vir ’n mens soos jy, noordoos van Tafelberg onder die Jakarandabome van Pretoria. De Goede Hoop bied ’n tuiste vir dinamiese studente met Christen-waardes en ’n passievolle gees vir Afrikaans; ’n tuiste waar jy as dinamiese jongmens in gesonde studentetradisies kan deel en jou studentwees met selfvertroue in Afrikaans kan uitleef.